四太唔畀超欣拍拖

賭王何鴻燊四太梁安琪前晚與孻女何超欣出席澳博舉辦的慈善拍賣晚宴，同場還有即將拍賀年劇的佘詩曼。剛於外地返港的超欣頻頻出席慈善活動，四太說：「佢知道有呢個活動，話辛苦啲都要嚟！佢依家返嚟放聖誕假，一陣間會試吓競投。（幫爹哋投？）試吓！」現場所見，超欣已亭亭玉立，記者問她可有拍拖？四太聞言即說：「人總會長大，但未夠時間，佢咁細個要讀書先。」又希望女兒學業有成能回饋社會，問到可會想剛大學畢業的長女超盈幫手，四太說：「呢個係作為父母嘅希望，但都要睇佢喜歡向邊方面發展，佢就鍾意設計！」另外，四太自稱是佘詩曼的粉絲，當晚又投得全場最貴的椅子。