曾透露聲帶有事的林盛斌（Bob）昨日出席活動，對於醫生指他再操勞有生癌機會的報道，他說：「報道太誇張，我聲帶係有少少毛病，係因為太操勞，但醫生證實未去到咁嚴重。」雖然聲帶受損，但Bob未想過減低工作量：「依家係搵食搏殺期，會食少啲煙多啲休息，老婆仲煲湯水畀我，唔會煮啲煎炸食物。」

扮Big Bang的梁烈唯（右起）、Bob、陳國峰及王梓軒，令人驚嚇！

此外，「兄弟幫」梁烈唯、Bob、王梓軒及陳國峰，前晚錄影節目《兄弟幫一千零一夜》時扮Big Bang搞笑，與「姊妹淘」莊思敏、楊秀惠、張名雅和「星夢幫」鄭俊弘、王君馨及鄭世豪齊放笑彈。期間「姊妹淘」對「兄弟幫」大逼供，楊秀惠打算問唯唯婚事及緋聞等，若答案不滿意會大懲罰，並不擔心遭報復。唯唯則計劃明年舉行非一般婚禮，但籌備時與未來老婆出現爭拗。