事隔十年，歌手漢洋與譚家荃（Amy）推出合唱歌，漢洋更為MV作出犧牲，除了被Amy怒摑超過十四巴外，更跑步跑到筋膜發炎。他又自爆將螢幕初吻獻給Amy，令他印象深刻。

漢洋與Amy推出合唱歌，唱盡過去的情傷回憶。

漢洋在新歌MV中被Amy怒摑超過十四巴。

漢洋即使將螢幕初吻獻給Amy，仍毫不尷尬。

漢洋與小雪合唱的《其實我介意》，至今仍令人印象深刻。

每次提起歌手漢洋，都必然想起他與小雪的合唱歌《其實我介意》，唱足十年的他，今年「出山」與歌手譚家荃合唱《寧願單身》，漢洋自言為此歌的MV作出犧牲，拍攝期間除被對方怒摑外，更跑步跑到筋膜炎：「Amy第一次摑人，摑極導演都唔收貨，真係仲勁過十四巴港女呀！（隻腳呢？）因為我着住皮鞋跑，跑完以為冇嘢，點知瞓醒就跌低，睇醫生先知係筋膜發炎！」此外，漢洋還自爆將螢幕初吻獻給Amy：「之前要顧小生形象，拍MV都係借位，所以今次將螢幕初吻畀咗Amy啦！」

合唱被嫌棄

事隔十年，漢洋再推出合唱歌，Amy自爆有次與他唱K時，竟在眾目睽睽之下批評其唱功：「有次同佢合唱，佢愈唱愈大聲，都唔知佢唱乜，所以我寧願唔唱，之後我就同佢講：『我都唔想再同你唱啦！』」漢洋聞言即說：「我呢一世都記得呀！」