身材火辣的陳靜師妹曾善美，早前有份演出錢國偉執導的電影《喜愛夜蒲3》，內地酒吧更私自稱她為《夜蒲3》女主角！豈料因此而惹怒錢導，曾善美被大刪戲份之餘，更遭網友狂鬧！被錯怪的她雖感失落，但仍樂觀地認為將來會有更好的機會。

原來曾善美「認」做女主角一事全屬誤會，故她坦言不開心。

曾善美擺甫士咁拿手，背後其實很怕醜，仲畀法國型男電暈！

陳靜師妹曾善美早前參演錢國偉執導的電影《喜愛夜蒲3》，不過其後有內地酒吧將她形容為《夜蒲3》女主角，引起錢導不滿，把曾善美的戲份刪得只剩下幾秒！日前她接受訪問時澄清事件不是她和公司的問題：「事前完全唔知主辦單位點整張海報，可能錢導演有誤會先開名鬧，其實內地好多登台騷都會形容藝人做電影女主角，我都試過畀人誤會係Celia K.。（有冇打畀導演解釋？）我冇佢電話。」

如今被刪戲份，她雖不開心，但亦會接受，希望將來有更好機會。但她近日又被網友在微博騷擾，她說：「呢排好多人開個新Account喺微博鬧我，留好多唔好聽嘅說話，粗口都有！我覺得背後有人搞事。（話你乜？）話我扮女主角，依家我已經Block咗佢，再係咁公司話要報警處理。」

畀法國美男電暈

曾善美早前與Ceila K.獲時裝店邀請拍攝2014年月曆，與兩名法國男模合作，她說：「法國男仔真係好靚仔！又識得氹人，但我比較怕醜，大家都趁住佢赤膊上身時影相，但我唔敢，畀佢電到呆咗！」