臨近聖誕，工作大過天的狄易達和蔚雨芯（Rainky）卻表示只想和工作拍拖，Rainky說：「入行之後年年聖誕都要做嘢，不過咁仲好啦！聖誕酬勞高啲、搵得多啲！」而達仔亦贊同：「我每年嘅聖誕願望都係想做騷，我個人好實際，搵多啲錢就最好，加上仲有間舞蹈學校要養！」

Rainky與狄易達希望聖誕節在工作中度過。

眼見卡通人物如此可愛，Rainky和達仔恍如大細路般上前合照。

達仔更自爆曾在聖誕節展開一段姻緣：「嗰年真係好難忘，因為識咗個女仔！嗰年平安夜喺廣東道做草蜢Dancer，咁啱個女仔係觀眾，散場嗰時又畀我撞番佢，跟住就一路行一路傾，咁就識咗喇！（佢喺台下已經留意到你？）可能咁啱我浮誇啲，人哋白色冷帽我就紅色，咁咪留意到我囉！」Rainky聞言即大呼羨慕，還直言未試過在聖誕節識男仔：「等佢介紹我識啦！不過襯後生做吓嘢先，我仲有好多時間，第日先算！」