鄭欣宜在「星煥」的最後一張專輯將於今天面世，近日與紋身攝影師「男友」打得火熱的她，在拍攝唱片封套時笑得特別甜，問到為何不請對方操刀？她即自嘲不夠靚及怕遭對方請食檸檬！

鄭欣宜在拍攝唱片封套時不時甜笑，難道真的是在蜜運中？

欣宜動靜皆宜，在拍攝時展現不同的一面。

欣宜籌備了兩年的新專輯終於推出，她坦言十分興奮：「終於出喇！真係好開心，搞咗成兩年。（點解拖咁耐？）中間又拍劇又做舞台劇，加上聲帶出現咗問題！」她又表示在求診時被醫生嚇了一跳：「醫生話一定要休息，如果唔係就會變繭，再衰啲就要做手術，同埋永遠沙聲，聽完之後真係好擔心！」

休養期主力「鎅仔」

由於她在休息期間被本報拍得與紋身攝影師在後巷「激咀」，即被取笑休息期仍主力「鎅仔」，她聞言即無奈地說：「邊係呀？嗰時係傳緊我同個韓籍模特兒，都唔係佢！」而近日被拍到與「男友」撐枱腳的她被問到感情進展，她即甜笑地說：「係好好朋友，大家好關心大家！」

問到為何不邀請對方為封套親自操刀？欣宜說：「吓？其實我唔係好知佢做咩，因為我哋唔係喺做嘢上認識，而搵攝影師係公司老闆搞！」問到「男友」私下有否為她留倩影？她說：「又冇喎！（發揮唔到作用？）可能我唔夠靚女，怕被請食檸檬。（叫佢買碟支持？）要叫就唔係Friend啦！唔使叫啦！佢應該識做。」