「藝員眼中的視后」田蕊妮日前出席劇集慶功宴時透露，將與馬來西亞視后鍾嘉欣在下周一台慶頒獎典上搞搞新意思！而有份提名視帝的陳展鵬自爆與陳茵媺拍劇時因不知對方剛懷孕，竟給她涼茶消暑！

田蕊妮憑《巨輪》初奪「藝員眼中的視后」，慶功時滿場飛零舍High！

《巨輪》台前幕後慶功，個個玩得盡興。

陳展鵬自爆曾贈涼茶給大肚的陳茵媺，好彩BB冇受影響。

蕭正楠、陳展鵬與田蕊妮等日前出席劇集《巨輪》慶功宴，剛從台灣旅遊返港的田蕊妮早前在台慶夜勇奪「藝員眼中的視后」，而劇中拍檔鍾嘉欣則在《TVB馬來西亞星光薈萃頒獎典禮2013》奪得視后，談到再爭視后走勢「五五波」時，阿田笑說：「我同嘉欣夾咗今年要搞啲突破，無論我同佢定邊個攞獎都好，我哋都唔拍手、唔笑，轉玩扮鬼臉，搞吓新意思！」

展鵬險壞茵媺「大」事

至於同樣憑《巨》劇角逐視帝的蕭正楠與陳展鵬，由戲內鬥到戲外，展鵬笑說：「同阿蕭由小學同學到依家一齊提名已經好難得，無論邊個攞到獎都會識英雄重英雄。」但表示對「視帝」寶座充滿信心：「個角色演戲位好闊，可遇不可求，但我又好鍾意吳鎮宇同張智霖，希望佢哋多啲返嚟TVB拍劇就好。」曾與陳茵媺（Aimee）合作拍攝《單戀雙城》的展鵬，隔空恭喜對方添丁，又自爆對方拍《單》劇時已經有BB：「不過連佢都唔知自己有BB！當時見佢拍得好辛苦，外景又要曬住搞到唔舒服，我哋仲畀啲涼茶同藥佢食，好彩依家冇事咋！」他又讚BB靚仔似媽咪：「側面好似Aimee，又靚又Sweet。」