模特兒兼DJ李慧玲（Jamie）及魏詠恩（Elva）有份客串電影《喜愛夜蒲3》，提到自己夜蒲經歷，Jamie表示多次被仔撩及借醉揩油，Elva笑言已「收山」，但自爆曾被非禮：「有個陌生男人趁住逼，行過嚟拍我Pat Pat，我走開佢仲要黐埋嚟！我要推開佢幾次兇走佢！」最近Jamie及Elva殺入影壇參演多部電影，雖身材不俗，但她們不想賣弄性感，希望有機會發揮演技，至於最想跟哪位男星合作？Elva大讚周柏豪型仔及演技不俗，有鬚的時候甚有男人味，Jamie則認為台灣歌手林志穎「長青不老」：「佢仲係出色的賽車手，我鍾意刺激活動，好想坐佢車！」

Jamie（左）及Elva身材逼爆，相當養眼。

主力接演DJ工作的Jamie及Elva最近殺入影壇，密密接戲。