港姐李雪瑩（Crystal）在英國長大，過了很多年白色聖誕，但怕凍的她笑言寧願到南半球，開一個熱辣辣的沙灘P！單身的Crystal不覺得是「Lonely Christmas」，表示會約親友敍會，不心急找男友過節。

李雪瑩冇拍拖，惟有先抱抱聖誕老人。

李雪瑩聖誕會約好友齊歎聖誕大餐。

李雪瑩（右）最近在劇集《On Call 36小時II》中與黃智雯有大量對手戲。

無綫小花李雪瑩在英國出生及長大，2010年來港選美並贏得最上鏡小姐，之後一直在港發展，最近在劇集《On Call 36小時II》中戲份不少。談起在外國過了逾廿年聖誕，她表示多數與家人食大餐，沒有太多難忘的浪漫回憶，對於很多人嚮往的白色聖誕，Crystal大讚畫面極美麗：「落雪係好有氣氛，記得有幾年落完雪未融晒，好似一匹白布咁，好靚！我會出去玩砌雪人，不過大個咗好怕凍，我寧願熱啲，如果搵年去南半球過聖誕，去沙灘開Party，應該幾得意！」她認為外國及香港的聖誕節各有各好，英國人於九月便開始買禮物，甚有氣氛，至於香港的燈飾及布置則較搶眼。

日前Crystal率先歎聖誕大餐，單身的她只好攬攬現場的聖誕老人及雪人公仔，她表示今年會約親友及舊同學過節，不會覺得寂寞：「有好多節目，唔恨拍拖，呢啲冇得強求。（佳節想搵個伴？）我可以好獨立，冇男友都冇所謂，嚟香港之後有人追，但唔啱心水，而且冇時間諗。」

18歲初戀

保守的Crystal至18歲才初戀，只拍過一次拖，選美後因與男友分隔兩地而無奈分手，回想往事難免感到可惜：「既然目標唔同不如分開，拍咗六年係好可惜同唔開心，但想趁後生做自己想做嘅事，都覺得決定係啱。」自此Crystal一直專心工作並保持單身，問到擇偶條件，她喜歡高大及有風度的男士，而且要理解對方的文化背景。