導演陳嘉上（Gordon）執導的電影《四大名捕II》正在上映，由於第一集內地票房、口碑甚佳，陳嘉上直言今次第二集上映，壓力不少：「其實拍續集嘅決定，係喺第一集上映前幾日，老闆對套戲好有信心，就即刻連住開拍第二、三集，連住咁拍，一定會有壓力，因為拍一部戲七千萬（人民幣），就算收一億五千萬（人民幣）都要蝕少少，再加上第二集係3D，成本更大，不過，今次嘅拍攝，我哋成班台前幕後的工作人員都好好感情，雖然過程好辛苦，但大家都放咗好多心機去做，好開心咁完成呢件事。」

陳嘉上認為劉亦菲脫胎換骨，演技進步了很多。（黑白圖片）

陳嘉上說拍攝《四大名捕II》很有壓力，但和演員們就愈來愈熟。

陳嘉上直言該片在橫店拍咗11個月，跟眾演員鄧超、鄭中基、劉亦菲等相處，愈來愈熟，亦看着他們的改變，尤其係劉亦菲，Gordon直言：「我覺得劉亦菲脫胎換骨，佢拍第二集嘅時候比第一集更信任我，大家合作好有默契，好記得有一場戲要一Take過十幾分鐘，佢一口氣完成，我好開心見到佢嘅爆發力，一啲都唔玉女；佢拍打戲，亦打得好好，可能有舞蹈底子，加上唔怕捱，所以我絕對有信心佢可以應付一部純武打電影。」