任達華早前到英國出席倫敦國際華語電影節活動時不慎患上重感冒，之後趕返北京拍戲，未有及時治理，使病情加劇，發冷又腳軟，一度要入院吊鹽水才能繼續開工。前日他完成工作返港，再到醫院求診：「我後頸、腰同Pat Pat嘅肌肉梗晒，醫生話係種好特別嘅流感，之後啲菌走咗入肺，所以出現輕微肺炎同埋肺有積水，要即刻入院！」因不想打亂大家的工作計劃，任達華住院一日便復工，為英皇電影《救火英雄》做後期工作，樣子憔悴的他一開工便精神奕奕，果然是影壇鐵人！

久病未愈的任達華被醫生勒令入院，並需臥床吊鹽水。

任達華老婆琦琦表示從未見過老公病得如此嚴重：「佢應該喺英國程機感染，我同佢喺英國會合，都被傳染到又屙又嘔，之後我哋唔同機離開，佢話唔見住怕再傳染畀我同個女！」