張智霖前晚在遊戲節目中應要求大擺人體模特兒甫士，並搞鬼地低頭望向下身，指要長期保持下身雄偉，全場即時狂（目及）其下身，他即解釋：「我指嘅係膝頭！」引得哄堂大笑！

張智霖大擺人體模特兒姿勢，但包到冚睇唔到有幾雄偉！

袁詠儀以身擋仔，魔童亦醒目地配合。

伍詠薇挺胸趷籮Chok甫，搶晒鏡啦！

筋骨柔軟的周麗淇輕鬆做出一字馬，難怪一臉得戚！

鄭融和舊愛劉浩龍相逢唔覺尷尬，仲玩得零舍投入！

張智霖（Chilam）、周麗淇、草蜢、伍詠薇和何超儀等前晚錄影《超級無敵獎門人終極篇》，自誇遊戲王的Chilam說：「我冇嘢驚，最驚畀人累！你知啦，伍詠薇同蔡一傑比較單純！」當他應遊戲要求擺出人體模特兒姿勢時，不時低頭望向下身，笑言要長期保持下身雄偉，引來伍詠薇及全場觀眾盯着其下身，蔡一傑更忍不住打他屁股三下，「Cool魔」魅力果然非同凡響！Chilam事後解釋：「我指嘅係膝頭！」引得哄堂大笑！而問到會否想與兒子張慕童（魔童）亮相內地人氣親子節目時，Chilam說：「要問經理人，不過大人就做好工作，小朋友都係好好讀書啦！」

魔童靚靚避走

蜜運中的Niki前晚亦玩得盡興，更單挑伍詠薇鬥擺甫士，露小蠻腰再兩度凌空一字馬，伍姑娘則以高潮眼、半開合嘴、挺胸趷籮擺S形甫士等怪招迎戰，全場爆笑。而何超儀甫出場即說：「我以為自己上《歡樂滿東華》籌款！」即被「獎門人」曾志偉窒：「係喎嗰晚都係你個姓，咁你應該先捐一百萬啦！」令她哭笑不得。

此外，昨午二時，靚靚與魔童現身中環置地廣場，護子心切的她向記者叫道：「放過我啦！」隨即用身體遮擋兒子，魔童亦醒目地配合匿到媽媽背後。