梁朝偉昨日出席《亞洲電影博覽會2013》，並憑電影《一代宗師》獲頒「傑出演員大獎」。他自言很幸運，並表示現時年過50是人生的另一階段，希望能效法尊特拉華達（John Travolta）演成熟角色：「好想似佢一樣後生時有代表作，中年時又有另一發展，好正！」

偉仔（右一）為友人做柴可夫，泊車後即笑住去醫肚。

梁朝偉憑《一代宗師》獲頒「傑出演員大獎」。

提到將與台灣演員李康生在亞太電影展再度爭影帝，他表示誰人得獎都開心：「依家心態唔同，唔只我有付出，我識做戲，其他演員都需要鼓勵。」提到老婆劉嘉玲早前過生日，他說：「佢當日身在北京，所以冇慶祝。（送上海豪宅做禮物？）唔係豪宅，但都算係有買禮物，嚟緊聖誕節都會一齊過。」此外，正忙於為梅艷芳紀念騷綵排的他透露，屆時會唱歌：「唔好畀壓力我，等學友安排，又唔係參加歌唱比賽！」另外，前晚7時半，他做「柴可夫」載着2名友人前往中環，朝偉泊車後一行人即步往附近餐廳醫肚。