藝人郭政鴻近日於Instagram發相力撐「麻甩」老友陳山聰，他昨日接受電話訪問時被問是否支持好友復出，他認為「復出」一說不成立：「佢（陳山聰）冇離開過TVB，不嬲都有合約，依家拍番劇唔會難倒佢。（想唔想合作？）想！足足十年冇同場演出，有機會要睇吓佢演技有冇生疏。」隨即更搞笑地說：「佢之前『自修』咁耐，一拍應該會技驚四座！（知唔知佢幾時開工？）未正式公布，不過知佢接咗好多Job。」
