陳山聰全面復出拍劇拍電影，其「伯樂」無綫監製李添勝最開心！添哥透露已跟山聰見面，雙方有談及明年開拍的新劇故事，劇中「四失聰」雖然演奸角，但添哥力撐角色有得發揮，因是被迫「變壞」故相信會博得觀眾同情，添哥說：「角色係做有錢仔，男二嚟o架！佢因為家族生意驅使先要同流合污，自己都唔想，係被迫嘅，呢次角色好有發揮，觀眾眼睛係雪亮，唔怕影響形象！（佢狀態點？）我見過山聰，成個瘦晒好弗，狀態好好！依家拍嘢最適合啦！」

添哥為陳山聰預備了男二角色，並已會面傾新劇的事。（資料圖片）

陳山聰每拍完一組鏡頭，即與劉心悠緊張看Playback效果。