陳山聰復工心悠BB狠狠摑硬食兜巴星
無綫藝員陳山聰自與賭王千金何超雲分手後，豪門夢碎，生活回歸樸實，近期連肥膏都一掃而空，以弗爆身形回歸幕前！日前他夥拍女星劉心悠拍新戲的掌摑戲，雖然只是客串性質，仍穩袋六位數酬勞，加上下月重返TVB拍劇，收入終有保障，他笑着說：「盡量慢慢再嚟過囉！」
中環天橋人來人往，陳山聰拍被摑戲時巴巴都咁應！
劉心悠郁手後，怒氣沖沖轉身走，留下按實面頰的陳山聰。
陳山聰
陳山聰今年4月與何家三房千金何超雲分手，日前超雲遭黑超癡漢三闖香閨求見，另一邊廂「失雲」後潛水多時的山聰近期則弗爆全面「復工」。雖然早前山聰被拍得拿着公事包一副生意人姿態現身金鐘，但前日無綫高層樂易玲證實他下月將拍金牌監製李添勝的新劇，回歸無綫之餘還有人工加！除了為拍劇鋪路，山聰同時於影壇出擊，與劉心悠合作新片，雖然因NG而被心悠BB狂摑足七巴掌，但他仍全程保持微笑，認真專業！
避談舊愛何超雲
日前山聰與心悠現身中環天橋拍新片《奇緣灰姑娘》一場分手戲，期間不少途人認出山聰，還讚他瘦了許多。埋位前，山聰不時跟導演及工作人員討論走位及細節，明顯相當緊張是次復出幕前機會。因劇情需要，演負心漢的山聰要被心悠兜巴星，NG數次後，他已捱足七巴掌，但仍保持笑容，每拍完一個鏡頭都主動跟心悠及導演細看Playback研究效果。據知，山聰於電影雖然只屬客串性質，而且僅有兩組戲，但酬勞仍達六位數。
問到有否與超雲聯絡，山聰面露尷尬，只禮貌地笑着說：「唔答喇！（有冇關心佢近況？）唔答喇！都過咗去，唔好影響其他人。」他澄清沒有搞生意，並表明心迹想重新出發：「想做番自己鍾意嘅嘢，演藝事業係其中一樣，依家盡量慢慢再嚟過囉！」至於目前有沒有拍拖，他表示仍單身，只想努力工作。提到有途人讚他清減不少，他笑言沒有刻意減肥，只是積極備戰跑馬拉松而勤做運動的效果。
甩完拖再被爆樽
而自去年初拍畢無綫劇《天梯》後，山聰接近兩年絕迹幕前，問他「復出」有否感到演技生疏，他自認在電影界是新人，感覺很新鮮：「對住心悠咁有經驗嘅對手，難免會緊張。」談到被狠摑七巴，他笑言對此早有經驗：「喺TVB拍過類似場口，寧願認真打、狠狠地打，打完快啲收工。」他又透露另一場戲會與鄭中基合作，並被對方爆樽。對於回歸TVB拍劇，他語帶保留說：「暫時唔講得太多。（同李添勝合作？）不如你問佢啦！」
