多產的蕭正楠（Edwin）今年入圍頒獎禮叫「四飛」，最叫好的角色要數《仁心解碼II》中的哨牙仔「唧榮」，有望奪得「最佳男配角」！而同樣有口碑的《衝上雲霄II》「Head姐」江美儀則以演技取勝，她更表示男友已準備好慶祝派對，當她贏梗「女配」！

美儀自爆男友已經準備定慶祝活動，當正佢攞硬獎！

美儀（右）穿起空姐制服盡顯女強人本色，不愧為「Head姐」！

Edwin今年拍足三套劇，共獲四項提名，贏面很大！

Edwin放下靚仔形象，演活「唧榮」，係值得叫「四飛」嘅！

Edwin（左）扮哨牙醫生入型入格，深得大眾喜愛！

蕭正楠在今屆《萬千星輝頒獎典禮》中贏勢盡見叫「四飛」，成為唯一同時入圍「最佳男主角」、「最佳男配角」、「飛躍進步男藝員」及「最受歡迎電視男角色」的藝人，更率先在《TVB馬來西亞星光薈萃頒獎典禮2013》中，憑《巨輪》「羅威信」一角奪得「最喜愛TVB電視角色」，氣勢如此強勁，難怪連Edwin亦自誇有優勢：「朋友對我嘅信心推至最高，仲幫我搞定Party慶祝！如果今次『四飛』都食唔出，就不成功便成仁！」多產的他今年共拍三套劇，當中出眾的角色要數《仁心解碼II》中的哨牙仔「唧榮」一角，戲份頗重又搞笑，造型深入民心，問鼎「男配」綽綽有餘！

豪放Head姐等收鑽冠

至於演技派江美儀，憑《衝上雲霄II》入圍「最佳女配角」，其「Head姐」一角備受愛戴，美儀受訪時笑稱不少男性朋友都很喜歡這個角色，因為「出得廳堂，上得大床」，夠晒豪放！有大眾的支持，她很想享受獲獎的樂趣：「年年我都認為自己好大機會，今年都唔例外！人人睇好『Head姐』，我都想試吓攞獎一刻時自己有幾感動，想聽吓同事為我鼓掌嘅歡呼聲！」美儀的另一半吳君祥（吳君如弟弟）對她投以最大信心，已經籌備慶祝活動，得獎的話更會送鑽石后冠給她，故美儀指贏「女配」就像當選「港姐」般尊貴！