樂隊RubberBand（RB）的低音結他手李兆偉（阿偉），與拍拖4年、任職太陽娛樂宣傳人員的女友Cathy共諧連理，並將於本周日舉行結婚酒會，由於兩人喜歡簡單的婚禮，故只邀請黃柏高、歌手小肥、洪卓立、梁漢文、陳奐仁夫婦及J.Arie等圈中人觀禮，晚上則擺喜酒宴請雙方家人，而昨日Cathy廣派喜餅及印有兩人愛貓的喜帖。

阿偉影結婚相時咁啱落雨，撐傘咀嘴仲浪漫啦！

準新郎阿偉昨日在電話中表示，去年在泰國求婚成功，送上一枚「細細粒」鑽戒給女友，計劃明年在新西蘭度蜜月。二人上月在香港拍攝婚紗照，多得天公作美才能順利進行，阿偉說：「因為落雨個場先冇人嘛！可以慢慢影，不過影完後，有一班學生見到我哋，佢哋50人齊齊恭喜我！」問到有甚麼愛的宣言？他說：「我會畀晒啲錢佢囉！婚後責任重咗，我要努力工作，生BB就順其自然啦！」