視帝、視后大熱張智霖和周麗淇昨日出席盆菜宴，呼聲甚高的「Cool魔」落力拉票，連高層梁乃鵬亦主動握手，相反Niki則怕醜，只為別人拉票。

Chilam甫出場即被稱「視帝」，更喪做「布景板」，任影唔嬲！

周麗淇及楊怡（左）皆不算積極拉票，莫非「棄戰」？

楊怡（右三）跟朱千雪（左起）及黎芷珊等大啖食。

馬國明黐實樂易玲，認真識做！

視后候選人萬綺雯以女警Look與思捷登場。

無綫昨日再擺180圍盆菜宴，前後腳到場的視帝后大熱張智霖和周麗淇（Niki）甫抵達即被捉上台拉票，怕醜的Niki只呼籲大家投「Cool魔」一票：「好尷尬，唔知點拉。」而「Cool魔」甫出場即全場歡呼，更有人大叫視帝，高層梁乃鵬更上前與他握手。Chilam表示會投自己一票：「會叫全家總動員投票。（坐定粒六？）講咗就空手而回。」問到與內地男星徐正曦拍拖的Niki是否戀愛大過天看輕獎項？她說：「我事業心都好重。（叫男友投你票？）佢冇香港身份證投唔到。」

馬明拒派糖拉票

姍姍來遲的馬國明表示不會學蕭正楠派糖拉票：「冇諗呢啲招數。（派錢？）冇咁多錢喎！」提到日前朱慧敏被拍得乘坐其座駕而傳緋聞，他說：「真係坐順風車咋！（不敵佢『男友』歌手彭懷安？）情人眼裏出西施嘛！」楊怡對視后亦「打定輸數」：「Fans有寫拉票嘅字句畀我用，但唔會刻意拉票，可能借支咪講幾句。」