何超雲舊愛陳山聰自豪門夢碎後，一直積極減肥兼努力搵工作，昨日有指他成功冧掂無綫高層曾勵珍，並將上節目《超級無敵獎門人》試水溫。不過，曾勵珍否認山聰撈：「佢係有演技嘅演員，歡迎佢返屋企，確實有新工作計劃，將會拍劇。（上獎門人試水溫？）唔係，佢係合約藝員。（減人工？）冇呢件事，係一個好公平嘅合作關係。」

陳山聰稍後會拍攝無綫新劇。

無綫另一高層樂易玲對於有傳她失勢，故山聰投靠曾勵珍的傳聞一笑置之，她笑說：「咁佢快啲去投靠珍姐懷抱！佢（指陳山聰）將會喺明年一月拍添哥（李添勝）新劇，張約上個月簽，之後先入劇組，佢冇減騷錢反而有加人工，增長同其他演員一樣！（叫佢唔好拍拖？）冇可能，點可以咁唔人道！（佢財政有問題？）唔覺得，佢着得好光鮮。」而陳山聰老友郭政鴻亦很支持山聰回歸。