黃金盛女阮小儀化身「猴擒女色狼」，向型男周柏豪及大隻仔趙勁皓（King）施展「揸肌龍爪手」，魚肉兩男一輪後，小儀激讚King又硬又脹，柏豪則以「毛」術取勝！

小儀與柏豪緊抱影婚紗相，狀甚陶醉。

蒙着紙袋的小儀一見大隻King，即猴擒地摸他的腹肌，及後更來個熊抱！

小儀、趙勁皓（King）

阮小儀、余迪偉及Donald昨日為活動擔任司儀，大會為營造氣氛，安排柏豪及King擔任神秘嘉賓，蒙上面罩的小儀把握「肌」會狂摸King的胸肌、三頭肌及腹肌，其後得寸進尺手多多周圍摸，當險摸到「小King」時，即被迪偉及時捉實，過足手癮的小儀事後激讚：「嘩，硬實實，脹卜卜！」

手毛長心地善良

至於以新郎Look登場的柏豪亦走不出小儀的「五指山」，再度蒙面的小儀摸完柏豪的手臂及胸肌後，嫌他不夠King大隻，但她摸完柏豪手仔後笑說：「好多毛呀！」之後，小儀披上頭紗，柏豪亦作狀下跪求婚，兩人再攬頭攬頸影「婚照」。小儀更打趣稱要與兩男趕往洞房，被Donald取笑是「淫婦」。

事後，小儀坦言會選大隻King做男友，柏豪則是老公人選：「因為King夠刺激，柏豪就穩陣，不過佢咁靚仔，好快會唔要我。」提到被嫌棄唔夠「硬」？柏豪笑稱：「腍有腍嘅好！」小儀續說：「佢手毛長，心地善良。」