鄭中基（Ronald）昨午原本要拍攝新片《奇緣灰姑娘》，但未有現身，經理人田啟文（田雞）在電話中透露Ronald因女兒持續發燒要停工︰「上星期開始，Ronald個女持續低燒唔退，今朝佢帶個女睇醫生，照完X光發現兩邊肺有支氣管發炎，依家返咗屋企休息，如果過兩日仲未退燒，就要安排入院，所以Ronald勁擔心同焦慮。」

囡囡患上支氣管炎又唔退燒，鄭中基和余思敏必定相當擔心！

由於香港近日有兩名小孩因感染肺炎鏈球菌不治，難怪Ronald甚為擔心。而田雞亦透露Ronald已取消今日工作，以便照顧女兒，至於明天會否復工拍攝新片《殭屍TV》及電影海報則視乎女兒的情況而定，而《奇》片至下星期才有Ronald的戲份，他與太太余思敏則至截稿前未有回覆。