曾與紅線女合作的謝賢指女姐已88歲，去得安詳是有福：「我哋合作過一部《胭脂虎》，當時我剛出道佢係我前輩，佢好肯教新人。基本上我同佢唔多聯絡，對上一次見佢都係幾年前，我喺香港同佢食飯，佢仲叫我返內地發展可以搵佢。」

至於胡楓則從未跟女姐合作，他得悉女姐去世後大感突然：「哎吔！我唔知女姐過身，好突然！好可惜！佢係一位好偉大嘅藝人。（合作？）我哋從未合作，佢仲同我講：『胡楓，我哋冇機會合作！』但5、60年前佢未去內地前，我合約就嚟滿，話好快可以合作，點知兩星期後佢就返咗內地！」