蓋鳴暉讚多貢獻：晚輩要爭氣

一眾粵劇名伶對紅線女逝世深感惋惜，蓋鳴暉表示女姐為人隨和，是一個快樂及活潑的老人家：「佢喺戲行地位舉足輕重，佢嘅貢獻真係好多好多，作為晚輩要爭氣，要將佢嘅藝術貢獻薪火相傳！」而梨園中人阮兆輝、龍貫天、新劍郎及廣州粵劇團成員梁兆明均指女姐常提點後輩，絕不吝嗇意見，龍貫天說：「佢係國寶級嘅演員，喺內地做好多提拔後輩嘅工作，我記得早兩年返內地演出，佢同我傾咗好多偈，佢好友善而且和藹可親，令我獲益良多！」新劍郎亦說：「一顆巨星隕落！佢所創嘅女腔、佢嘅《昭君出塞》一定會流傳，『紅線女』呢個名，就算你唔熟粵戲都一定聽過。」他們齊聲讚揚女姐對粵劇界的貢獻，是非常友善的大師級前輩。李香琴則指未有機會與女姐合作，但形容對方「好好嘢」，對其離開大感可惜！