譚詠麟及李克勤一連13場的《左麟右李十周年演唱會》進行得如火如荼，前晚獲老友陳百祥及黃杏秀、狄波拉及鬍鬚Kong撐場。阿倫在唱雙簧環節借題發揮，笑稱阿叻是「TVB烈士」：「你睇佢手指指咁想講嘢，畀咪佢，但咪開！等佢想講都冇得講，唔係一定畀佢『叉』晒！」阿叻即笑着還擊：「所以話真係咪貪心，只係畀少個錢買飛啫，就要畀你玩！發夢都估唔到借廁所會遇着人哋食飯！」阿倫即反寸他行錯路！

阿倫（右）及克勤攜手為歌迷獻唱，令人聽出耳油。

阿叻專誠偕老婆黃杏秀捧場，卻慘遭阿倫寸爆！

羅蘭及錢國偉跟着麟李起舞，相當投入。

此外，麟李昨日於日場騷即席宣布，為回饋歌迷支持，觀眾可憑演唱會票尾到他們投資的粥麵店換一碗雲吞麵。