張家輝及劉青雲在新片《掃毒》終有機會合作，家輝透露兩人相識多年，憑友誼令合作事半功倍，同時亦對青雲改觀：「以前覺得佢了解秋生同鎮宇多啲，依家發現我一個眼神，佢已經知我諗乜！認唔認同我嘅做法唔緊要，重要嘅係知道我行動嘅出發點。」受訪時，家輝摸着青雲的大腿，更當着記者面前講「悄悄話」，兩個大男人大玩Sweet Sweet！家輝說：「有時唔係冇見好耐，都有衝動想攬住佢，同佢講我有幾愛佢！（唔痹？）唔o架！我鍾意直接表達。」

張家輝（右）向劉青雲大膽示愛後，兩人即笑騎騎！

家輝在戲中「艷福無邊」，與變性人Poyd談情說愛，「孤獨精」青雲卻被導演陳木勝安排跳海，他說：「佢問我有冇喺屋企附近泳池游過水，我話有，去到現場佢就叫我跳落去！（危險？）危險係因為水淺，深啲反而冇問題！」