陳法拉昨日到九龍灣出席「ALCATEL Onetouch Idol」手機發布會，吸引大批Fans撐場，活動上法拉由魔術師甄澤權變出來，大會又安排法籍飛機師到場，機師不時對法拉冧笑，非常嗒糖！

有靚仔機師傍實的陳法拉笑逐顏開，並大方恭喜諸葛紫岐生Ｂ。

問到會否出席無綫台慶頒獎禮？已跟無綫沒有合約的法拉表示屆時或在內地工作，至於是否沒有信心爭視后？她說：「隨緣，對自己演出有反省，仲可以進步，睇好鍾嘉欣。」視帝方面她認為「Sam哥」吳鎮宇及「Cool魔」張智霖各有各好，非常難揀。提到「前妯娌」諸葛紫岐日前誕下麟兒，法拉表示有留意新聞，並送上恭喜：「話晒都係喜事。（送禮物？）未有時間買。」問到會否也想生BB？她笑言未有人追，並搞笑說「一字都未有一撇」。