性感女星馮鎵瀠（Naomi）皮膚白滑，原來她甚少到美容院做Facial，她說：「我會喺屋企用美容儀器（洗面機）同埋狂敷面膜，上妝前一定會敷，捱夜嗰晚又會敷一次，最近仲好鍾意用青瓜敷，又平又可以美白，我仲買咗個刨青瓜器幫手。」

皮膚白滑的Naomi甚少到美容院做Facial，但每日會喝一杯綠茶美白。

Naomi最近愛上青瓜敷面，特別買了刨青瓜器幫助。

刨青瓜器

她認為眼部和面部皮膚一定要Keep，否則老化得很快，她說：「始終年近三十，過咗二十五歲開始衰老，一定要勤力啲。今個冬天就會去打雀斑，除此之外，我都冇乜問題。美容師話我皮膚緊緻，肌齡停留喺二十二歲。」天生膚色屬於黑底的她，自中四開始已每日喝一杯綠茶美白。

除了皮膚，身材對女生來說也相當重要，Naomi為了維持苗條身形，聽取營養師意見，每次進餐的第一口食物都是先吃蔬菜類，以纖維食物作打底，其後再吃肉類，這樣就可以減少脂肪的吸收量。