組合軟硬的林海峰(Jan)和葛民輝(阿葛)昨日現身時裝店,二人與品牌攜手推出限量版時裝,但他們表示不會在下月的紅館騷場外出售產品,笑言產品在開騷前定必售罄,又不擔心會帶起炒風,Jan笑說:「資深投資者都知道炒唔起,有人試過獲利回吐,但亦有人已經『蟹』過,炒燶晒!」他倆又表示下月紅館騷的尾場在年初一舉行,問到可會派利是給觀眾?他倆笑說:「爆Budget可能係強搶利是,又或者好似教會咁拎住個袋,逐個奉獻咁逗利是!」Jan又繼續笑說:「之前幾日或者派住財神、或者捧桔收住啲先,如果盆桔遮住睇騷,就添啲利是,我哋搵人搬走佢!」

葛民輝(左)與林海峰齊齊出席時裝活動。