產後首次公開露面的郭晶晶昨日穿閃片旗袍，偕老公霍啟剛出席慈善晚宴，還與德國體操運動員阮馬素合照。身材弗爆的晶晶表示BB易湊，但成日喊。問到BB是否已改名？啟剛說：「英文名Lawrence，中文名會喺網上公布，因晶晶個名係J，我係K，所以小朋友係L，而且Lawrence意思係解『橄欖』，晶晶當年喺雅典奧運獎牌嘅頭飾係橄欖。」又稱中文名待爸爸霍震霆改，而且問過老人家不用跟族譜。

啟剛表示為湊BB晨早起身而變熊貓眼，更為晶晶煲湯和煮飯。

霍震霆將為孫仔改中文名。

阮馬素西裝骨骨到場。

BB雖剛滿3個月不久，但啟剛已計劃找幼稚園，覺得競爭很激烈，還反問記者有否貼士。他稱暫時未想生第二個，希望先安頓好一個。啟剛表示現湊B已上手，可一手抱住BB，一手餵奶，更指與BB同房睡覺，朝早五時要起身，大家都要一同起身以致有黑眼圈。提到新屋住得如何？兩人均說多了自己的空間。

晶晶亦大爆啟剛上班前要煲湯給她，放工回家要煮飯，很辛苦。問到啟剛有否送禮物獎勵她？晶晶直言BB出生是最好的禮物，希望BB健康。阮馬素大讚晶晶是出色運動員，覺得她的下一代都會是運動員。