本地時裝設計師郭翠華（Ranee）現正修讀藝術課程，所謂讀萬卷書不如行萬里路，早前她與兩位同學遠赴意大利展開兩星期的藝術之旅。Ranee表示主要到威尼斯欣賞當地舉行的藝術雙年展：「呢個展覽每兩年一次，展期半年，由暑假開始，係世界性。呢段期間成個威尼斯都有好多展覽，除咗政府舉辦，仲有民辦，你可能無意間走入一條小巷都會有發現，感覺好似尋寶咁。由於展覽太多，時間太少，所以出發前都要做定功課，揀定自己心水想睇嘅藝術品。」

這個鏡面地板的房間迷離夢幻，郭翠華不禁興奮起舞。

郭翠華參觀威尼斯藝術展，最欣賞艾未未的圓櫈作品。

Ranee稱不少展品都令她印象難忘，其中最喜歡的有中國藝術家艾未未作品，她說：「佢利用三腳圓櫈向上疊，組成一個裝置藝術，啲櫈係佢由全國搵番嚟，依家已經唔多見。另外有個俄羅斯藝術家，佢將現場布置成有好多金幣從天而降，你可以將金幣執番屋企，但只限女人執，男人唔可以，係討論兩性問題。」Ranee認為藝術不一定沉悶又嚴肅，其實可以很有趣味性。