黃秋生和鄧萃雯前晚出席參演的電影《四大名捕2》首映禮，對於與好友張家輝的《掃毒》對撼，秋生說：「本來有阿邊個我永遠都唔睇嘅！（張家輝？）係呀！有佢我永遠都唔睇！因為嫉妒佢咁有型！不過今次想睇，如果呢套我做主角就一定贏！」又透露下一部作品與蔡卓妍演情侶：「你哋睇死我唔可以拍愛情戲？唔係父女，係情侶呀！」而鄧萃雯表示與秋生合作可以做弱者，又指現實生活中都想做小女人，對於未能入圍角逐《萬千星輝頒獎典禮2013》「最佳女主角」，她說：「我同無綫冇合約，好正常啫！（有傳得罪高層？）唔想再炒作。（你微博留言似對入圍名單有意見？）應該係福音，福音好好o架！令人開懷同包容。」同場的張兆輝指片中有大量動作戲，笑言要再加緊操練體形。

秋生和雯女見面即抱抱，老友鬼鬼！

另外，秋生昨日於香港電影資料館出席《舊日戲院昔日情》活動，透露準備競逐演藝人協會會長，又指曾約曾志偉開會，但對方經常失約。