圈中模範夫妻陳豪與陳茵媺（Aimee）一索得男，大前日於山頂嘉諾撒醫院出世，「豪仔」重6磅11安士，同晚Aimee於微博公布喜訊，翌日陳豪亦急急現身公開活動賺奶粉錢，完成活動後即趕到醫院照顧太太，至昨日仍未有離開，不過仍吸引約20名傳媒採訪。

曹敏莉大讚「豪B」靚仔，又透露老友Aimee身體唔錯。

陳豪媽媽未有停低受訪，但榮升嫲嫲的她笑到四萬咁口。

Aimee友人曹敏莉則於接近中午時分，由司機接載下抵達醫院探BB，她透露Aimme生B後雙方亦有以短訊聯絡，至昨日才首次見BB真身，大讚「豪仔」得意又靚仔：「BB好得意、靚仔，嘴仔好Cute。（似邊個？）兩個都似，鼻似陳豪，嘴就似Aimee，Aimee身體都好好。」而陳豪母親與陳豪哥哥則於下午一時離開，雖未有回應傳媒問題，但全程四萬咁口，及後由陳豪哥哥駕車離開。