模特兒黃淑玲（Sherine）一口氣完成兩個夢想，分別嘗試拍戲和唱歌的滋味，雖然拍戲拍到發燒，唱歌又自資近20萬元，但她未有怨言，反而相當享受，一於想做就去做。

Sherine早前遠赴日本拍戲，但卻冷到發燒。

為了一圓音樂夢，Sherine不惜自資近20萬元錄製新歌。

Sherine早前與導演林家威（中）宣傳新戲《Fly Me to Minami》。

前馬來西亞小姐冠軍黃淑玲踩入香港模界多年，近日她作出新嘗試，決意跳出天橋，於歌影兩方面作多棲發展。早前她接拍日本電影《Fly Me to Minami》，與韓國及日本演員大鬥戲，並於戲中演時尚雜誌記者︰「係關於愛情故事，喺韓國、大阪同香港取景，其實導演係我好朋友，之前佢搵過我拍另一部，可惜時間唔啱拍唔到，呢次終於合作好開心。」

同日本型男唔過電

Sherine表示於日本拍攝時正值去年冬季︰「拍時有一日病咗仲發高燒，因為太凍、衫又唔夠，但劇組好好，我病好都唔畀我返去拍，要我抖多幾日。」提到戲中不乏與日本型男演對手戲，她大讚對方相當靚仔，但笑言未有過電︰「佢係幾靚仔，但我冇畀佢電暈。」

除了踩入影圈，早前Sherine又籌備了年多時間自資近20萬元錄歌，一圓歌唱夢。她透露身邊朋友都笑她傻，但熱愛唱歌的她直言唔做怕後悔︰「因為我怕後悔，而且好Enjoy。有人會話我傻放咁多錢，其實之前我有做過生意，但唔係咁好成續，當時覺得自己想做就去做。」她又表示有人邀請她獻唱令她彷彿打了強心針︰「市場反應以前一直唔係我關注，只想去做，但依家會諗。好彩有人支持我，梗係開心啦！」