曾擔任天使妹「士多啤梨」的周麗欣（Doris）重返TVB拍劇，將飾演常到茶餐廳的大學生，她說：「以前比較宅女，鍾意留喺屋企，都係嗌外賣多，依家要周圍蒲，留意人生百態。」問到最想演甚麼角色？她笑言想挑戰壞女人角色，或飾演草菅人命的奸角，並透露夢想與影帝周潤發合作，不介意為對方斟茶遞水。

周麗欣崇拜周潤發，甘願為發哥做妹仔!

周潤發

此外，她透露最近特意修讀有關方法演技的訓練課程，努力提升演技：「好多荷里活演員都採用呢個演技，經歷豐富嘅King Sir（鍾景輝）仲有份教，教我哋演戲同研究劇本，真係獲益良多！」