女藝員梁嘉琪、黃心穎、李佳芯及麥美恩近月以輕鬆爆笑手法傳授冷知識，四女放下形象愈玩愈癲，深得觀眾歡心！主持經驗豐富的嘉琪獲封為「搞笑王」，而港姐心穎則被一致裁定「最唔知醜」！

嘉琪（左起）、心穎、Ali及美恩互爆趣事，每人均獲搞笑封號。

嘉琪（左）及心穎於《學是學非》展現活潑一面，深得觀眾歡心。

擔任主持的梁嘉琪（左起）、李佳芯及麥美恩，不時以趣怪造型上陣。

由梁嘉琪、黃心穎、李佳芯（Ali）及麥美恩主持的無綫資訊節目《學是學非》，轉眼已播放了半年，過往此類型的節目甚少可添食至36集，成績不俗！四人以輕鬆搞笑手法傳授冷知識，更完全釋放貪玩性格，大玩變裝及趣劇，表現獲觀眾激讚，成功吸納不少學生及小朋友Fans！

四人受訪時互爆趣事，每人均獲一個抵死的封號，「大家姐」嘉琪被指是最搞笑，心穎說：「有佢喺度會令底線再低啲，玩得再放啲！」Ali指嘉琪拍劇多演沉重或悲情角色，今次可讓觀眾看到其可愛性格，嘉琪則說：「幕後畀好大自由度，基本上任我哋加嘢，仲會玩好多扮相，表現到每個人嘅性格。」

Ali鏡頭後照放電

港姐亞軍心穎則被爆面皮甚厚、「最唔知醜」，嘉琪說：「佢成日話自己好靚女又係BB，真係幾難頂o架！」心穎即自辯：「都係為節目犧牲，邊個話港姐就唔可以男仔頭同搞笑？我做諧星都冇所謂，觀眾鍾意就得！依家客串劇集就係正經嘅，希望咩都做到。」至於Ali由有線過檔無綫，《學》是她在翡翠台的首個工作，是次能獲TVB內部人士認同，令她大感高興。外形端莊的她相當玩得，令人意想不到，嘉琪更踢爆Ali「最有電力」：「佢求知欲最強，鏡頭後都繼續問，醫生教授好樂意答，因為佢電力強！」

烏龍王笑聲傳千里

此外，新加入節目的美恩因經常NG而獲封「烏龍王」，嘉琪更踢爆她「笑聲傳千里」，本來是娛樂新聞主播的美恩說：「初時好興奮，但壓力都幾大，好彩我哋一拍即合，連大聲笑都變咗個性！最難忘係第一集就反串黐鬚扮吳剛，每次開工都好開心！」