唱作歌手文恩澄（Rannes）近年轉戰幕後，開展拍攝與後期製作的生涯，起初只抱着「玩玩吓」的心態的她，逐漸對拍攝及剪片等產生濃厚興趣，去年開始為朋友的婚禮拍攝短片，更膽粗粗為自己的新歌執導拍MV，後來有人留意到其作品，即開展了「Freelance」形式的幕後工作，她說：「自己對剪接一向好有興趣，而拍完MV後的確有宣傳嘅效果，多咗人搵我做後製，依家多分收入又可以滿足自己，一舉兩得！」不過，轉戰幕後的她並不代表會放棄幕前的工作，她依然熱愛唱歌，亦不時參與幕前工作。

文恩澄轉戰幕後，並為朋友的婚禮拍攝短片。

Rannes對剪片及後期製作甚感興趣。

為了在接工作時更順利，Rannes早前在朋友的廣告公司成立新部門，初嘗做老闆的滋味，她說：「朋友嘅廣告公司一向都將後製判畀人做，後來我加入，就可以有一條龍服務，依家嘅工作冇底薪，絕對係多勞多得！不過可以做想做嘅事，真係開心好多！」提到其幕後工作，她雀躍地表示曾為澳門政府拍攝廣告，除了做演員外，更是副導、剪片及配樂，雖然工作辛苦卻極有滿足感！