曾推出寫真及在夜店打碟的模特兒仙樂都，最近跟歌唱老師Alice學唱歌，希望登台時獻Sing。Alice讚YoYo有潛質，卻因太「勤力」而練錯聲，故嚴禁她在滿師前登台獻醜。

仙樂都最近開始學結他，為成為歌手鋪路。

仙樂都曾到夜店打碟接Job。

仙樂都（右）用錯力唱歌，幸得Alice出手糾正。

仙樂都（右）與Alice亦師亦友，大家相處融洽。

外號「仙樂都」的模特兒吳堯堯（YoYo）近兩年發展不俗，推出寫真之餘又經常返內地接Job，向來主力做DJ打碟的她，最近希望「撈多瓣」登台獻唱，於是向歌唱老師的Alice Amu（繆樂）拜師學藝。她大讚對方對音樂充滿熱誠，還花了兩小時說服老師教她唱歌，Alice說：「學生嘅表現直接代表我，所以我要清楚了解學生嘅為人，我覺得YoYo入行咁多年依然想增值，所以我想幫佢。」Alice大讚YoYo肯學肯練，但有時用錯方法，YoYo聞言即說：「唱歌理論好抽象，我身體又唔協調，試過返屋企亂嗌，結果沙晒聲，先發覺用錯力。」而Alice說：「咁係證明佢肯花時間練習，之後我糾正番佢，佢都好快改到。」

務求一鳴驚人

而YoYo又表示早前曾跟其他老師學唱歌，但與Alice最夾：「可能之前係男老師，大家身體結構唔同，唔係好夾，所以想搵同自己差唔多身形嘅。」Alice聞言即一臉驚恐地望着YoYo的身材笑說：「吓！我哋差好遠喎！」她又大讚YoYo有潛質，卻有待磨練：「依家唔畀佢唱住o架！可能失準一次就冇下次，希望佢做到一鳴驚人！」而YoYo亦表示最近雖不時有內地登台的邀請，但她會遵照老師的吩咐，寧願賺少些也推掉工作，真是一名乖學生！