影壇新人蔡瀚億日前27歲生日，粉絲大搞生日會提早慶祝，為氹偶像，粉絲效法他在電影中的絕技－耍太極，而他亦自彈自唱《陪着你走》回饋粉絲。蔡瀚億坦言非常珍惜粉絲的愛護：「咁大個仔第一次同Fans慶祝生日，但慶唔慶祝都係其次，最重要係我可以藉呢個機會同Fans傾偈，因為平時工作好忙，今年正日生日都好大機會喺工作中度過，但我好享受呢種生活，更忙都得o架！因為我嘅生日願望係做多啲唔同嘅角色，不斷帶驚喜同新鮮感畀觀眾！」他表示未來的工作大計以電影為主：「我簽咗蕭定一公司兩部電影。（會演出類似《一路向西》嗰種3級片？）蕭生公司都有唔同類型嘅電影，我暫時唔係咁適合演嗰類電影。除咗電影外，我之前都幫香港電台拍咗個電視劇，個劇暫定1月播，佢哋製作好認真，我都好期待！」

蔡瀚億獲粉絲送上蛋糕，他即興奮地許願。

蔡瀚億與粉絲在台上耍太極娛賓。