「美女魔術師」何穎璇（Miss Hunny）早前因與台灣魔術師劉謙在內地合作表演，及後又與網絡紅人拍片，而成為新一代宅男女神。

何穎璇表示最愛男仔頭打扮。

擁有不少粉絲的她，經常中港兩地走，早前蔡少芬爆出疑似被綁架事件，Miss Hunny慶幸未試過，不過卻遇上瘋狂粉絲：「每次佢哋都會好清楚我地住邊間酒店，試過有個粉絲喺走廊等我出嚟，其實係想送禮物畀我，好在全部都係女粉絲。（送咩多？）食物又或者手襪咁。」而推出過寫真集的她，表示有興趣拍電影：「我唔介意做醜角，最想拍賀歲片，想帶畀人開心。」

身為美女的Miss Hunny，竟自爆最愛中性打扮：「我反而鍾意男性打扮，女仔打扮我唔係好慣。（平時多唔多買衫？）我會網購多啲。」