走進大銀幕的李曼筠早前於新片中做「師姐」，滿足其制服癮，雖然片中與影帝任達華及邵美琪合作，但她笑言相當怕醜，未有乘機在片場「集郵」。

平日常騷Quali的 Maggie在新片中收起性感做「師姐」。

Maggie表示不介意保護將來的另一半。

自言怕醜的Maggie錯過「集郵」機會，未有跟任達華及邵美琪單獨合照。

不少模特兒都搵機會走上大銀幕，希望創出另一片天，「動漫Maggie」李曼筠也如是。早前與影帝任達華及邵美琪等拍攝警匪片《衝鋒戰警》，演「師姐」的她爽到爆，她說︰「係一個好得意嘅經驗，之前拍戲都做一啲好柔弱嘅角色，今次就保護番人。」她在戲中是柔道高手，但未玩過柔道的她為了拍戲走去特訓，她說︰「之前去上咗一堂先拍，覺得幾好玩，我都幾打得o架！」

學識保護自己

提到與任達華及邵美琪等前輩合作，問Maggie有否乘機「集郵」？怕醜的她未敢埋任達華身，她說︰「其實我好鍾意佢哋，但冇同佢哋影相，自己怕醜嘛，不過可能同邵美琪都係叫Maggie，佢好記得我，佢知我鍾意食辣，特登帶啲辣椒醬畀我。」雖然未有「集郵」但她自言有幸參演已很滿足，因有制服癮的她可一嘗「當差」滋味，她說︰「戲入面我着軍裝，之前未着過，覺得好型，而且我有制服癮，所以有得着制服已經好開心。」

至於戲中與內地演員有感情線，兼會保護對方，問她會否介意女仔保護另一半，還是找個保護自己的男友？她說︰「其實我冇所謂，男保護女，或者女保護男都唔係最重要，最緊要互相愛大家，好似依家未有保護自己嘅男仔出現，我都識得保護自己。」