麥貝夷（Karene）日前出席活動時大呻欠愛情滋潤，Dry到嘴唇爆瘡：「最近都冇拍拖，真係Dry到出面！」她透露上次被男友狠飛後，決心日後只選靚仔做男友：「以前覺得內在緊要啲，但試咗幾次覺得蝕咗，反正都係Hurt，梗係揀個靚仔啦！所以依家揀男朋友一定要係靚仔同大隻為主！」傷過痛過的她決定豁出去，即使遇上花花公子亦在所不計：「我啲經歷太差喇！話明花花公子起碼有個靚樣吖，畀我享受吓仲好！」

Karene Dry到爆瘡，急徵靚仔男友滋潤身心！

此外，舊拍檔鍾一憲獨立發展後似乎星途更佳，更赴韓國受訓，有望於當地發展。Karene祝福對方，但表示不會羨慕：「我唔會想去韓國發展，又唔識韓文！泡菜仔都唔係好啱我，怕溝通唔到！」