無綫戲劇製作總監梁家樹將轉戰電影界，為無綫旗艦公司邵氏電影擔任高級顧問，明年開拍電影版《衝上雲霄》，演員陣容最Juicy是加入「萬人迷」古天樂大戰「Cool魔」張智霖，而美艷空姐則是高圓圓大鬥林志玲！

古仔一雙眼咁迷人，着上機師服一定電力爆燈！

粉絲終於有機會在大銀幕上看見「Cool魔」風采！

梁家樹

台灣女神林志玲將在片中扮索爆空姐，一眾影迷眼福不淺！

服務無綫40年的梁家樹（Tommy），旗下劇集不少是經典製作，繼有早年《黃金十年》、《美味天王》和《律政新人王》等劇，近年他與潘嘉德聯手監製、與內地合拍的劇集《歲月風雲》亦是重點之一，在他製作的劇集中，以近年《衝上雲霄》系列最為熱爆，有口碑有收視，創下目前最高收視佳績！

高圓圓林志玲空姐比併

有見及此，無綫乘勝追擊，將《衝》劇改編電影版，定於明年4月開拍，角色除了「Cool魔」張智霖和吳鎮宇外，更邀得「萬人迷」古天樂助陣，飾演型男機師，相信戲中古仔將與「Cool魔」鬥放電力，迷暈女觀眾冇命賠！男觀眾同樣亦大飽眼福，因內地女星高圓圓與台星林志玲將大鬥演技，飾演美艷空姐！《衝》劇其他連戲角色亦會在電影版出現，劇組更會遠赴歐洲、上海、中國及香港取景。

目前仍擔任無綫戲劇製作總監的Tommy正在上海公幹，他昨日受訪時表示，農曆新年後便會出任邵氏電影高級顧問一職，而無綫製作部的架構將要重組，為了使他可以專注籌拍《衝》片，Tommy的職務暫由助理總經理區偉林暫代：「其實我做電視都好耐，今次轉職去做電影，我都想有一個新嘅工作環境，為咗專注搞好套戲，我兩邊兼顧都怕分身乏術，所以暫時放低電視工作。」