馬賽本來被無綫勒令停工兩個月，現在獲提早放生，並立即安排她明晚於《歡樂滿東華》中表演舞蹈，作為復工頭炮，而憑《法外風雲》競逐台慶最佳女配角的她，月中亦會出席頒獎禮。不過「停工」期間，馬賽有數個工作告吹，損失數十萬元。

馬賽復出頭炮，從慈善大騷出發。（資料圖片）

無綫製作資源總監樂易玲昨日全程陪同馬賽。甫見面，馬賽即向樂易玲道歉，對於提早「解凍」馬賽，樂易玲說：「有時啲細路出咗狀況，要畀時間佢哋處理，事發時真係叫佢休息一陣，畀時間佢睇清楚同了解件事，因為佢哋嘅反應會影響將來嘅工作，所以佢要諗清楚最想要、最重要嘅係咩，既然佢知做錯，決定咗工作係佢最重要嘅嘢，站在公司立場，當然會畀機會。」她指馬賽經過今次事件，可能要更辛苦、更用力才能向前行，只希望對方能下定決心，對作出的承諾努力。問到有否加長合約，樂易玲說：「唔會乘人之危，佢本身嘅合約都仲有一段時間。」