無綫藝人馬國明、鍾嘉欣和羅仲謙完成於前晚在馬來西亞舉行的頒獎典禮後返港，獲近半百粉絲接機，相當墟冚。其中以鄭俊弘（Fred）人氣最旺「畀女圍」，險因掛住收女粉絲的禮物和鮮花而不能「殺出重圍」，錯失大合照機會。而馬國明被問到與楊怡冧莊再奪「最喜愛TVB螢幕情侶」獎的感受，他直言開心：「對接廣告好有幫助！（預咗失馬國視帝？）個個實力平均，輸咗咪出年嚟過囉！」而勇奪「最喜愛TVB男配角」的羅仲謙談到女友楊怡「開口中」：「希望呢個咁旺又咁好嘅女仔可以繼續開口中啦！」身旁的胡定欣聞言即掩嘴大笑說：「佢將心底話講咗出嚟！」

鄭俊弘（Fred）

鄭俊弘被女粉絲包圍，人氣勁過唔少小生！

馬國明開心慶功，未因失落視帝影響心情。