剛榮升「蔡太」的汪圓圓昨日婚後首次出席活動，並拿着掛住「K」字的手袋，外國長大的她因中文欠佳而擺烏龍，稱蔡加讚（Karson）為「新老公」，引來全場笑聲。她指婚禮翌日是表妹湛琪清的生日：「我覺得好唔好意思，生日前一日都要幫我手搞婚禮啲嘢，所以喺After Party送咗個蛋糕同佢慶祝。」身旁的湛琪清說：「好驚喜，感動到不得了！」

感情要好的圓圓（左）與表妹湛琪清，拍住上出騷搵銀。

不易哭的圓圓表示註冊時見姐姐詩詩哭而難忍淚水：「Karson平時睇戲都好易感動，但佢嗰日忍住。（詩詩爆甄子丹喊到BB咁！）姐夫戴住太陽眼鏡，見佢有抹眼淚。」她又表示將到熱帶地方度蜜月，問到會否帶備性感泳衣？她甜笑說：「可以帶去着畀老公睇！（努力造人？）個Trip想休息吓。」問到婚後保鏢有否比以前多？她說：「其實我都好唔慣咁多人跟住，冇Request，鍾意一個人多啲。」