影帝張家輝今日49歲生日，一班「閨密」張學友、梁朝偉、曾志偉、鍾鎮濤和葉童夫婦等，前晚為他提早慶生，令家輝十分感動：「真係好開心！得到一班圈中『閨密』同我預祝生日，梁朝偉仲特別搵地方、訂蛋糕同攞蛋糕，阿哥（張學友）仲送禮物畀我，仲送埋我個女嗰份，真係好貼心！雖然人數唔係好多，但氣氛夠濃，令我好感動！」另外，日前家輝在深圳宣傳電影時，一班粉絲在戲院向他送上蛋糕，但離開時竟然沒有人記得帶走蛋糕盒，結果要壽星仔全程捧着蛋糕到下一站宣傳！事後家輝笑說：「呢個生日蛋糕真的跟我步伐一致，一齊跑場宣傳！」

家輝在一眾星級好友包圍下吹蠟燭許願，幸福滿瀉！