周秀娜及陳柏宇（Jason）前晚結伴出席活動，席上為舞台劇的劇組人員打氣。現場見娜姐面腫腫，她自爆正值「月事」：「咁啱係女性特別時期，加上啱啱做完嘢趕過嚟，所以做完嘢都要返去休息吓。」她又透露曾在周期時拍落水戲，相當麻煩。

面部浮腫的娜姐，自爆正值月事。

同場的Jason透露要在工作中度過聖誕，問到是否豬籠入水？他說：「點都係未買到樓，不過我又諗結咗婚會想返加拿大住，諗諗吓不如咪買！（結咗婚唔留喺香港？）起碼七年後嘅事啦！睇吓呢幾年搵到幾多先啦！」