歌手官恩娜（Ella）化身性感車模，身穿低胸裝出席汽車活動，但自言並非刻意賣弄性感。她大談心中的Dream Car，但嫌車貴又擔心變「吸塵機」，故現時仍舉棋不定！同場的王浩信憑「兜巴星」劇情名利雙收，他希望可在台慶頒獎禮上得獎。

王浩信及Ella結伴出席汽車活動，大可順道物色Dream Car！

Ella罕有地以性感造型上陣，非常養眼。

昨日，Ella及王浩信出席《Avis Hong Kong EC DRIVE試駕活動》，向來惜肉如金的Ella竟無懼寒風，身穿低胸連身裙輕露事業線，所謂「物以罕為貴」，性感造型令人眼前一亮！對於久違的事業線再現，她說：「唔係刻意性感，條裙設計係咁咋！我係『有限公司』，平時都唔會露！」她站於開篷車前拍照時，透露去年已睇中心水開篷車，朋友卻大撥冷水，令她心大心細：「一嚟怕車價貴，二嚟怕開篷揸車會狂食塵！」

王浩信「兜巴星」上位

同場的王浩信自言憑「兜巴星」成名，自從在《法外風雲》被摑逾20巴的戲份播出後，工作量大增！他表示曾擔心會因角色乞人憎而引起觀眾反感，但反應卻出奇地好！問到可有信心在台慶頒獎禮中，憑此奪「飛躍進步男藝員」獎項？他說：「希望冇白摑啦！想有獎都正常，如果真係得獎，一定會同家人分享呢份喜悅！」他又表示曾多次在台慶頒獎禮中獲提名，首兩次都有信心得獎，可惜每次都落空：「頭兩年冇獎，我真係有啲唔開心o架！」