Kawaii聞「老公」封盤傷心

藝人Kawaii以司儀身份出席MegaBox聖誕活動，經常自稱是「王力宏老婆」的她，對於「老公」突然宣布與女友李靚蕾結婚，她直言有傳短訊祝賀對方：「當時聽到消息好興奮，但又幾傷心。（有冇問佢係咪雙喜臨門？）呢啲私底下嘅嘢，就由佢開心吓先啦！唔好問佢咁多嘢，等佢抱出嚟嗰時咪知囉！」Kawaii又笑指王力宏曾叫她「老婆」，可惜朋友並不相信：「記得有次活動，佢同我講：『老婆，我們很久沒見了，我以為我們離婚了。』我即刻甜晒！」她又透露會到馬來西亞過熱辣辣的聖誕，自稱單身的她表示，曾有相士批她有異地姻緣。